# #0138 鸚哥石 Eng Ko Chio̍h

#0138  鸚哥石	Eng-ko-chio̍h<br>
日本語 <strong>オムナイト</strong> 英語 <strong>Omanyte</strong><br>
<a href="https://phokhibong.com/books/koan-to-te-hng/page/0138-eng-ko-chioh" target="_blank">
  <img src="https://phokhibong.com/uploads/images/gallery/2025-12/Mn71YafQMESZhtOD-0138-engkochioh.jpg" style="width:300px; height:400; border-radius:6px;"></a>
  
只隻オムナイト hohⁿ, 日本話 sī オウムガイ  koh ū アンモナイト 鬥起來 ê, siáⁿ mi̍h 意思 leh? 咱一項一項來拆明: <br>
オウムガイ sī siáⁿ 貨? 來, 看圖: 
<br> <img src="https://upload.wikimedia.org/wikipedia/commons/2/2a/Nautilus.jpg" 
       alt="オウムガイ" 
       width="400">
<br>
  <span style="font-size:small;">水頭: <a href="https://commons.wikimedia.org/wiki/File:Nautilus.jpg">Wikipedia</a>, 
  CC BY-SA 2.5</span>

只號オウムガイ, 英語 sī Nautilus, 漢字寫做鸚鵡螺 á sī 鸚鵡貝, オウム tiō sī 鸚鵡, ガイ tiō sī 貝.
咱知影"鸚鵡" 台語號做 Eng ko, <a href="https://ji.taioan.org/chhoe/?x=eng+ko&tab=gisu">四角字寫鸚哥 á sī 鶯哥</a>, 
看資料講伊 sī 石距仔, 鰇魚, 透抽, 花枝, 軟絲仔, 小管... ê 親成. M̄ koh 無要緊, 伊有壳, 叫貝 oân ná 叫 ē 過, hûiⁿ ti̍t 俗名無 leh 管親成 ê, ū 成 tiō 好! 台語 mā 叫鸚哥貝, 問題ない!
<br><br>
Á アンモナイト leh? 仝欵來看圖: <br>
<img src="https://upload.wikimedia.org/wikipedia/commons/7/78/Ammonite_section.JPG" alt="Ammonite" width="400">
<br>  <span style="font-size:small;">Ammonite. 作者 Tomomarusan
  <a href="https://commons.wikimedia.org/wiki/File:Ammonite_section.JPG">Wikimedia Commons</a> 
CC BY-SA 3.0</span>


アンモナイト 按英語 ammonite 來 ê. Ammonite 意思 sī siáⁿ leh?
頭前 ammon sī アモン, 埃及羊角神 Ammon. 後壁 ê "-ite" sī 石. 因為只 ê 動物壳 kiau Ammon 神彼 ê 羊仔角 chin 成, m̄ chiah kā 號做 ammonite, 咱 kai 翻譯做 Am bōng chio̍h 庵望石. 神明自然 chiū 叫 Am bōng 神. <a href="https://en.wikipedia.org/wiki/Horns_of_Ammon">參考</a><br>
 英語 <strong>Omanyte</strong> 名, oân ná sī kā ammonite 只 ê 字 sió ka 拗拗 chi̍t ē 來做 Phōkhìbong ê 名. 
 
Kah na 日語是 オウムガイ 頭前三字 オウム 合做兩字 オム, 後壁鬥 ammonite アンモナイト ê nite ナイト. 咱 mā 照只 ê 辦法,
取 鸚哥 + 石 ➡️ 鸚哥石 Eng-ko-chio̍h , 人客 ah, 有合理 hoⁿ?

聖 tú 聖, 鸚哥石 chiàⁿ chiàⁿ tiō sī 咱北台灣有名 ê 庄頭: 台北鶯歌 ê 古早名! Kèng jiân ū chiah tú 好 ê 代誌! 咱 ū 讀 kàu 者 ê tiō 知, 咱 chin chiàⁿ sī 一步一步照起工來 ê ne, bô 偷食步 iā bô 硬鬥, 按呢 bô 叫鸚哥石 bōe 用 tit ah, 好聽好叫 koh 好記! 
<img src="https://phokhibong.com/uploads/images/gallery/2025-12/58eLS8lJB86WP6gI-fZuw2GbT0D.jpg" alt="Ammonite" width="400">
<br>  <span style="font-size:small;">鶯歌石. 作者 台灣堡圖
  <a href="https://map.jsdc.com.tw/sanxia">三峽生活文化地圖</a> 
<br><br>
  
進化オムスター Omastar, 字頭仝欵 sī オム = 鸚哥, 後壁スター = star = 星, 按呢自然 ài kā 號做<strong>鸚哥星 Eng ko chhiⁿ</strong>! 看伊頭前鬚鬚展開, hó chhan chhiūⁿ 海星 ê 型, m̄ bián 講伊多刺 lah 真正 m̄ bián. <strong>鸚哥石</strong>, 進化<strong>鸚哥星</strong>, 按呢 tiō 真水氣 ah.  <span style="color:gray">(加忌褒 khah bōe 臭火 lō) </span>
<br><a href="https://phokhibong.com/books/koan-to-te-hng/page/0139-eng-ko-chhin" target="_blank">
  <img src="https://phokhibong.com/uploads/images/gallery/2025-12/gvCf36qSEHVmN55t-0139-engkochinn.jpg" style="width:300px; height:400; border-radius:6px;"></a>

耍 phōkhìbong, 乎咱熟事海底生物, 知影埃及神明 án chóaⁿ 叫, koh 學 tioh 鶯歌古早號做鸚哥石, 真正 sī 一兼二顧, 摸蜊仔兼洗褲!

####詞彙
<table border="1" cellspacing="0" cellpadding="8" style="border-collapse:collapse; width:100%;">
  <thead>
    <tr style="background-color: #d3d3d3; text-align:center;">
      <th>Pe̍h ōe jī</th>
      <th>四角字</th>
      <th>English</th>
      <th>日本語</th>
      <th style="width:25%">Chù kái</th>
    </tr>
  </thead>
  <tbody>
    <tr>
      <td>Eng ko pòe</td>
      <td>鸚哥貝</td>
      <td>Nautilus</td>
      <td>オウムガイ</td>
      <td>一欵古早 ê 動物, 屬 tī 頭脚綱, 歷史久長.</td>
    </tr>
    <tr>
      <td>Am bōng chio̍h </td>
      <td>庵望石</td>
      <td>Ammonite</td>
      <td>アンモナイト</td>
      <td>古早動物 ê 化石, 外表 chhan chhiūⁿ 羊仔角</td>
    </tr>
    <tr>
      <td>Am bōng sîn </td>
      <td>庵望神</td>
      <td>Ammon</td>
      <td>アンモ</td>
      <td>古代埃及 ê 神明, 頭壳兩平發羊仔角</td>
    </tr>
    <tr>
      <td>Eng ko chio̍h</td>
      <td>鸚哥石</td>
      <td>Parrot stone</td>
      <td>オウムイシ</td>
      <td>台北鶯歌 ê 古早名</td>
    </tr>

  </tbody>
</table>
<p></p>