Án chóaⁿ #0336 m̄ sī 飯匙蛇?

按日本語 wikipedia, ハブ 漢字寫做飯匙倩, m̄ koh 飯匙倩 pn̄g-sî-chhèng tī 台語 sī teh 講 Cobra 只蛇. Á 日本沖縄 ê ハブ leh, 學名 sī Protobothrops flavoviridis, hām 咱 ê 龜殼花 ku-khak-hoe Protobothrops mucrosquamatus 屬 tī 仝一个屬 genus Protobothrops. Iā tiō sī 講, 日本話 teh 講 ê 飯匙倩 ハブ 事實 m̄ sī 咱台灣 só͘ 講 ê 飯匙倩, tian-tó khah 親像龜殼花 lioh!

中語當初時 teh 翻譯 ハブネーク (habuneiku = ハブ + snake), phah sǹg sī 看 tio̍h ハブ 漢字寫做飯匙倩, bô 認真 kā 伊科考, tiō kā 人譯做飯匙蛇 ā, 實在 sī 誤會 ah 誤會. 咱台灣人做代誌 ài 頂真. ハブ kì-jiân sī hām 龜殼花仝柱 ê, 自然 ài kō͘ 龜殼花落去鬥, 按呢 kā 伊號做龜殼花蛇 Ku-khak-hoe-chôa, 逐家講好 m̄ 好?